MiMIR inelna-a District tina ti\hate hnenah cheng vbc. khat \heuh hlan an ni

New Economic Development Policy (NEDP) hnuaia My NEDP, My Project (Mipui Mamawh In\awm Ruahmanna) a District tina pakhatna te lawmman hlanna leh BPL awmlohna khuate lawmman hlanna chu nimin khan Aizawl Vanapa Hall-ah neih a ni a, he hun hi Chief Minister, Lal Thanhawla chuan a hmanpui a ni.

Nimin a Aizawl Vanapa Hall-a he hun hmanna ah hian Chief Minister, Lal Thanhawla chuan Mizoram chuan khawvela Human Resource \ha ber \halaite kan nei \ha em em tih sawiin, an tana khawvel Eng siam tumin sawrkarin nasa takin hma a lak thu a sawi a. New Economic Development Policy (NEDP) chu Mizoram-a Development Plan kan neih tawh zawng zawngah a la huapzau ber tih sawiin, “He ruahmanna hi a \hat em avangin India ram hmun hrang hrang a\ang leh sawrkar laipui a\ang te hial pawh ngaihven hlawh a ni a, North Eastern Council (NEC) phei chuan India hmarchhak State zawng zawngah lehkha thawnin hetiang ruahmanna siam ve turin a hriattir nghe nghe a ni,” a ti a. Mizo \halai lehkhathiamte chu NEDP belchianga zirchiang tura chahin, abik takin Mizoram Rahbi (Micro Start Up) ruahmanna hnuaiah \halaite hmakhua sut enna tur chi hrang hrang a awm a, \halai lehkhathiam mahni ke a din tlat tum te tana \angkai tak tak a awm avangin ngaihven turin a sawm a ni.

My NEDP, My Project (Mipui Mamawh In\awm Ruahmanna) hnuaiah hian Mizorama khua/veng zawng zawngte chu an awmna District DC kaltlangin an khua/veng mamawh mipui zawng zawng huap leh khawtlangin an hlawkpui tur ni si ruahmanna siam tura sawm an ni a, Mizoram chhunga khua/Veng 347 (Aizawl District-70, Lunglei District-34, Siaha District-49, Cham-phai District-49, Kolasib District-38, Serchhip District-45, Lawngtlai District-44, Mamit District-18) a\angin Project a lut a, District tin a\angin Project \ha ber \heuh thlangin Chief Minister hian lawmman atan lawmpuina thuziak leh tangkafai cheng vbc. 1 cheque a hlan a ni.

Nimin a he hun hmanna ah hian Mizoram a BPL chhungkua awmlohna Champhai District-a khaw 5– Pamchung, Rabung, Tlangmawi, Chawngtlai leh Riangtlei khaw hruaitute hnenah an khawtlang tihmasawnna tur ‘BPL-Free Villages Development Project’ kaltlangin tangka cheng nuai 40 (Cheque) leh lawmpuina thuziak hlan nghal an ni bawk.