Latest News

Zirlai ten lem inziahsiakna nei

Gram Samridhi Evam Swachhata Pakh-wada hman tur pualin niminpiah khan East Lungdar RD Block huamchhunga High School leh Higher Secondary School zirlaite tan Painting Competition neih a ni.
Oct. 1, 2017 a\anga Oct. 15, 2017 thlenga India rampuma hman tur, Gram Samridhi Evam Swachhata Pakhwada inbuatsaihna leh urlawkna atan niminpiah khan PMKSY, Serchhip Project-III leh V bultumin East Lungdar-a Hmingthangi Memorial HSS-ah an Block huamchhunga High School leh Higher Secondary School zirlaite tan lemziak intihsiakna hi neih a ni a. He Painting Competition a naupang inelna atan hian thupui (theme) hrang hrang- Cleanliness, Sanitation, Health, Green leh Water Conservation te hman a ni a. Block chhung khaw hrang hrang a\angin School naupang lemziak thiam mi 60 chuang an tel a ni.
He hun hmanpuitu East Lungdar BDO, Vanlal\anpuia, MCS chuan he Painting Competition a telte kutchhuak hi uluk takin an vawn-\hat tur thu leh Swachhata Pakhwada hman hunah khaw hrang hrang kawtthler lun laiah mipuite hmuh theih tura pholan a nih tur thu a sawi a. Mipuite hnena faina leh thianghlimna zirtirna te leh khawtlang hmasawnna atana thil \ul an hriat ve ang ang te Gram Sabha-a tel-a sawi \hin tura inzirtir te chu he Pakhwada in a thil tum lian zual te a nih thu a sawi bawk.
October ni 1 a\anga 15, 2017 chhung hian rampuma khaw nuai 2,62,000-ah Swachhata Pakhwada hi a ruala hman tur a ni a. Zirlai nau-pangte tana lem inziahsiakna neih ah hian Lalhlimpuia, Hrangturzo HSS, N. Vanlaiphai niin Certificate leh Rs. 5000 a dawng a. Malsawmhlui, Presbyterian English School, East Lungdar chu pahnihna niin Certificate leh Rs. 4000 pek a ni a, Lalruatfeli, Presbyterian English School, East Lungdar chu pathumna niin Rs. 3000 leh Certificate hlan a ni a, a ti\ha zual thlanchhuah mi 10 te hnenah Rs. 500 \heuh hlan an ni bawk.

Comments

Popular News (Last 30 Days)