Latest News

PRISM in Total Bandh neih \ha an ti lo

PRISM chuan kan economy dinhmun a\anga thlirin sorkar leh mipui hnathawk thei lova siam \hinna ‘Total Bandh’ buatsaih chu ram leh mipui tana hlohna maiah an ngai tih sawiin, \ha an ti lo tih an sawi.
Nimin a thuchhuah an siamah PRISM chuan Kan State economy \hat tawkloh zia te, sum leh hnathawhna hun hloh uiawm zia mipuiin kan hre vek nia tarlangin, Sorkarin nikhat lek hna a thawh loh pawh hlohna nasa tak anih zia PRISM President, Vanlalruata chuan a sawi a, PRISM President chuan, “Kan State Budget 2017-2018 a\anga (thla khata ni 30 awm anga) chhutin sorkar hnathawk hlawhah nitin Rs. 8,28,16,944 kan mamawh a. Nikhat sorkarin hna a thawh loh hian sorkar hnathawk facility hrang hrang te, file a kalloh avanga hna chawl te, pawisa vir tur chawl te, office dawr tura khawdanga zin lai te sum sen belh te chhut tel loh pawhin sorkarin mi 828 te a full-a cheng nuai khat NLUP pekna tham pawisa kan hloh tihna a ni,” tih a sawi a. Sorkar sum hloh tur ringawt chhut pawh hian kan ram tan Total Bandh buatsaih ai chuan buatsaih loh a hlawk zawk chiang a ni, a ti bawk.
Ram economy tehna pui ber zawk chu ram chhunga sumdawnna pawisa virvel hi a nih thu pawh sawiin, Mizoram-a sum chevel chhutna kan neih chu kan Gross State Domestic Product (GSDP) a nih thu a sawi a. Kum 2015-16 a kan GSDP kha current prices in cheng vbc.  13,41,885/- a ni a. Heta \anga an chhut chuan nikhata kan sum chevel chu cheng vaibelchhe 36.76 a ni tihna a ni a. Nikhat lek Total Bandh kan buatsaih hian cheng vaibelchhe 36.76 aia tlem lo kan hloh tihna a ni tih PRIMS President chauan a sawi a. “Kan sum hloh tam aia la pawi chu hetiang Total Bandh reng reng hi sorkar hnathawk leh hausa tan chawlh theihna \ha tak anih mai laiin mirethei, eichawp dap te tan chuan harsatna nasa tak thlentu, hun rei tak tibuai zuitu a ni \hin hi a ni,” tiin mirethei tawrhna thleng \hin chu ngaihtuah a ngaih thu a sawi bawk.

Comments

Popular News (Last 30 Days)