Bank of India kum 112 tlin lawmna neih a ni

Bank of India chuan nimin khan an Aizawl-a The Grand Hotel-ah an kum 112 tlinna an lawm a, hemi rual hian Loan Sanction Day hmang nghalin beneficiary-te hnenah loan sanctioned letter an pechhuak nghal.

Bank of India kum 112 tlin lawmna hi AMC Ward-V Councillor, Rosiamngheta chuan hmanpuiin Bank of India-in a kum 112-na hial a thleng ta chu lawmpuiin Mizo mipui tana hmasawnna thlentu ni zel turin duhsakna a hlan a. Bank laka kan rinawm chuan Bank chu mipuite min pui theitu an ni tiin, Bank te chu ram leh hnam hmasawnna atana hma lakpui turin a sawm. Loan pek tak te chu midang tana kawng tipingtu nilo a kawng satkawtu zawk ni tura chahin, loan rulh \hat a pawimawh thu a sawi bawk.

He hunah hian Khuallian hian loan sanctioned tharte hnenah loan sanctioned letter a hlan nghal a, UD&PA Department hnuaia SEP loan, DAY-NULM Scheme diltu mi 7 hnehah Rs. 7,10,000/- pekchhuah a ni a, mi pakhat hnenah Education Loan Rs. 4,00,000/-, Mudra Loan mi 11 hnenah Rs. 40,00,000/-, Housing Loan mi pakhat hnenah Rs. 18,00,000/-, Loan Against Property mi 3 hnenah Rs. 1,04,90,000/-, Two Wheeler loan mi 7 hnenah Rs. 6,66,180/- an pe a ni. Foundation Day a loan an pek chhuah zawng zawng hi mi 30 hnenah Rs. 1,80,66,180/- a ni.

Bank of India hi Nationalised Bank lian berte zinga mi a ni a. Branch 5100 neiin, heng zinga Branch 56 hi Foreign Branch leh Office an ni a. Mizoram-ah chuan kum 2011-ah rawn inhawng \anin tunah hian Branch pathum - |huampui, Zarkawt leh Upper Republic-ah te an nei a. Mizoram-a Bank of India hotute chuan Mizo mipuite tan theihtawp an chhuah zel tur thu sawiin, Bank of India chu sorkar Bank anih angin a neitu tak takte chu mipui an nih thu an sawi a, Bank Loan scheme hrang hrang an neihte Mizo mipui ten nasa zawka hmang \angkai tura an duh thu leh Mizo mipuite tan engtik lai pawhin an inhawn thu an sawi bawk.