Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Presbyterian English School ah CCC zirna hawng \an leh

Inrinni khan Presbyterian English School Serchhip-ah Course on Computer Concept (CCC) zirna chu hawn \an leh a ni a, tuna CCC zirna an hawn hi a Batch 3-na a ni.
CCC zirna hawna hun Inrinni-a he School-a neih ah hian he School Principal, Laldinpuia chuan PES Serchhip chuan hma a sawn zel tih sawiin, tunah chuan sorkar pawmpuia Computer Course zirna hial buatsaih a lo ni ta tih a sawi a, hei hi PES zirlaite leh pawn-lam mi, a mamawhtu ten hmang \angkai se a duh thu a sawi a, zirlai te chu an zirna a passed ngei tum turin a fuih bawk.
He hunah hian Lalfamkima, FK Edutech neitu pawhin CCC kalphung leh an buatsaih chhan te report a pe bawk a. Tun \um CCC-ah hian Instructor-ah Laltlanmawia chu hman a ni a, Class hi Saturday apiangin kal \hin a ni ang. A batch hmasa ber hi kum 2016 khan hawn a lo ni tawh a ni. PES Serchhip-a CCC zirna hi National Institute of Electronics & Information Technology (NIELIT) hnuaiah FK Edutech Firm kaltlanga neih a ni a, Presbyterian English School Serchhip zirlai te tana tih a ni a, zirlai in seat an lak bakah a \umkhat nan pawn lam mi tan pawh seat hi hawn a ni a, tun \uma CCC zir tura in register zat hi mi 64 an ni.

Comments

Popular News (Last 30 Days)