NGO ten Citizenship Amendment Bill chungchang thlen

Mizoram-a tlawmngai pawl hrang hrangte telna, NGO Coordination Committee chuan niminpiah khan Mizoram All Political party leh NGO Coordination Committee hminga Citizenship Amendment Bill 2016 chungchang duhlohna Memorandum chu Joint Secretary, Committee on Citizenship Amendment Bill 2016 leh Joint Secretary, Lok Sabha Secretariat, Kalpana Sharma-i hnenah an thehlut.

NGO Coordination Committee hminga lehkha an theluhna, Kalpana Sharma, Joint Secretary, Lok Sabha Secretariat hi Citizenship Amendment Bill 2016 chung-chang khawihtu ber a ni a. Tunah hian he thil avang hian mi sangkua (9000) chuang in an duhlohna an thehluh tawh thu Kalpana Sharma-i chuan a sawi a, Chairman thar ruat a nih vat a rin thu leh Chairman thar ho hian hmalakna chhunzawm a nih tur thu a sawi bawk. Kalpana-i hnenah hian Committee on Citizenship Amendment Bill 2016 in November thla a India state \henkhat an fan hunah Mizoram tlawh ve ngei turin NGO Coordination Committee te hian ngen in an sawm bawk.