Khawpui fai inelna atan Ser-chhip inbuatsaihna a ngawrh

Urban Development & Poverty Alleviation Department buatsaih District Capital hrang hrang te faina kawnga inelna kal mek leh District chhunga Town hrang hrang te inelna kal mekah nasa takin Serchhip a inbuatsaih chho zel a. Inbuat-saihna hian a vawrtawp a thleng chho \an tawh a ni.

He intihsiaknaa hmalak dan tur hi August 30 khan Serchhip DC, Sangchhin Chinzah kaihhruaiin sawihona neih a ni a. An thurel angin September thla tir a\angin Serchhip-a chhungkaw tinin an In leh a vel tihfai hna an thawk a, Kohhran zawng zawng leh zirna In te, Office te pawhin an hmun-hma \heuh tihfai hnatlang an neih leh \heuh hnuah, khawtlang huap hnatlang Village Council hrang hrang ten an nei chho leh bawk a, VC tin te hian khawtlang huap hnatlang an nei \heuh a ni.

Mizoram khawpui fai thlanna neih mek hi tun thla ni 18 a\ang khian endikna neih a ni dawn a, Zirtawpni khan Planning Secretary, Dr. C. Vanlalramsanga hovin a Pisa-ah faina inelna a endiktu tur Panel of Experts ten meeting an nei a. Cleanliness Competition Panel of Experts-ah hian Er. Lalrothanga, Director, CCDU, PHE Department chu Convener niin James Lalnunmawia, Jt. Secretary (A), UD&PA Department chu Member Secretary a ni a, Member atan mi 4 ruat an ni a. Meeting-a rel angin Panel of Experts Member-te hi Team 3-ah insiamin Vawiin a\anga tunkar Zirtawpni thleng khian Mizoram-a District Capital leh khawpui dangte tlawhin an enfiah dawn a ni.