Gas man bithliah thar a ni

Food, Civil Supplies & Consumer Affairs Department chuan Mizoram-a eirawngbawlna Gas man a bithliah thar.

Directorate of Food, Civil Supplies & Consumer Affairs chuan Aug. 2, 2017-a thuchhuah a lo siam tawh chu ti dang-lamin IOCL Revised Retail Selling Price angin, Mizoram chhung khaw hrang hranga Kg. 14.2-a rit LPG Domestic Subsidised, Non-Sub-sidised Rate leh DBTL Scheme hnuaia Subsidy dawn tur zat chu a tichhuak a, Mizoram pumah Vairengte chu eirawngbawlna Gas man tlawmna ber niin Kg. 14.2-a rit eirawngbawlna Gas bur khat man chu Rs. 704/- a ni ang. Vairengte tihloh, Serchhip tiamin Mizoram hmundang zawng ah chuan LPG Kg. 14.2 a rit bur khat man chu subsidy pek hmain Rs. 719/- a ni anga, bur khat ah hian Subsidy Rs. 236.98 zel pek a ni ang. Hetihlai hian Commercial Cylinder Kg. 19-a rit bur khat man chu Rs. 1281/- a ni thung ang. Eirawng-bawlna Gas man thar ang hian Domestic Cylinder-ah chuan Home Delivery a hralh dawn chuan Rs. 7.53 belh zel tur a ni bawk.