Latest News

Khaw pahnih hmun khuahkhirh bikah puan an ni

Serchhip District Bawrhsap Kumar Abhishek IAS chuan tunhnaia Serchhip District chhunga COVID-19 hri kai hmuhchhuah tamna Leng khua leh Chekawn khua te chu COVID-19 hri darh zel thei dinhmunah a ding nia a lan avangin hmun khuahkhirh bik (Restricted Area) atan a puang a. Chekawn khua ah hian tunhnaiah hri kai mi 20 lai hmuhchhuah ni tawhin enkawl dam an awm chho tan mek a, Leng khua ah hian hri kai mi 52 hmuh ni tawhin enkawl dam an la awm lova, hri kai te enkawlna atan hian 4C pahnih siam a ni bawk.

Vawiin a rampuma Petrol Pump neitute nawrh tum \hulh a ni

All India Petroleum Dealers' Association-in an thil phut tihhlawhtlin nawr nan Vawiin a ram puma lungawi lohna lantir an tum chu \hulh a ni
. All Mizoram Petroleum Dealers Association President, Pu K. Lalnghakliana hnen a\anga thudawn danin, All India Petroleum Dealers' Association thilphut \henkhat chu sorkar laipuiin tihhlawhtlin a tum avangin lungawilohna lantir tum hi \hulh a ni a, dan pangngaiin tuialhthei hi lei leh hralhchhuah a ni dawn a ni. Tarlan tawh angin Sorkar laipuiin nitina Petrol leh Diesel man ennawnna kalphung a hman chu an duhloh bakah rampuma Automated Sytem Pump hman phutin All India Petroleum Dealers' Association hian tun thla ni 5 khan Company a\angin tuialhthei an lachhawng lova, hei bakah hian an thilphut nawr nana Vawiin hian rampuma tuialhtheih hralhchhuah loh tumin, Sorkar laipuiin an thilphut \henkhat tihhlawhtlin a tum tak avangin \hulh leh a ni ta a ni.
All Mizoram Petroleum Dealers Association President Pu K. Lalnghakliana chuan, tun dinhmunah State pawn a\anga tuialhtheih lakluh kawngah harsatna a awm lo nia sawiin, Mizorama Petrol Pump hrang hrangah tuialhthei chhelkhawl dinhmun a \ha tawk niin a sawi a. Mipuite tan chi-ai nachhan tur a awm lo niin a sawi.

Comments

Chhiar Hlawhte

Book of the Year hlan