Serchhip-a MHIP Branch 14 ten a huhovin MHIP Day vawi 43-na an hmang

MHIP Day vawi 43-na chu nimin khan Serchhip khawpui chhunga MHIP Branch 14 te chuan a huhova hmangin Chief Minister, Lal Thanhawla chuan khuallian niin a hmanpui a, Serchhip District Bawrhsap, Sangchhin Chinzah pawhin he hun hi Khual Zahawm nia hmanpuiin MHIP Gen. Hqrs. President, Saipuii pawhin MHIP Day Nu niin he hun hi a hmanpui a ni.

MHIP Serchip Town Area Committee buatsaiha Serchhip P&E Veng YMA Hall-a MHIP Branch 14 ten MHIP Day an hmanna ah hian Chief Minister, Lal Thanhawla chuan kalkhawmte chu MHIP Day Chibai bukin, Mizo Hmeichhia ten Insuihkhawmna pawl \ha tak an nei chu lawmawm a tih thu sawiin, insuihkhawm chuan \anrualna leh inlungrualna a keng tel tih a sawi a. Mizo khawtlang nun inkaihhruaina ah Nu te chuan chanvo pawimawh tak an chelh thu sawiin, tu leh fa te enkawlna ah nu te chu an pawimawh hle tih a sawi a, an pawimawh chu he Ni ah hian hre thar leh turin kalkhawmte chu a chah bawk. Chief Minister chuan hmeichhe dinhmun chawikan a nih loh chuan kan khawtlang nun in hma a sawn tak tak theilo tih sawiin, tunhma lama MHIP inthlanna boruak chu tlawmngai pawl leh Political Party ah te pawh thleng ngailo ang hial nia a hriat thu sawiin, amaherawh chu tunhnaia MHIP Gen. Hqrs. hruaitu inthlanna chu boruak \ha tak hnuaia neih nia a hriat thu leh a mawi thu a sawi bawk.

Chief Minister chuan kan thil tih apiang ah ringtu kan nihna lang \hin se a duh thu pawh sawiin, Pathian ringtu ni si-a Mizoram in India rama ‘Ber’ nihna kan hauhna te chu a chhuanawm loh hle tih a sawi a, Cancer tamna ram kan ni te, HIV leh AIDS vei tam kan nihna te, kum tlinglo pawngsual tamna kan ni te leh zuk leh hmuam ti nasa kan ni te chu ringtu kan nihna nen thil inhmehlo tak a nih thu a sawi a. India hmun dang ngaihtuahin chi leh chi inthliarna leh hausa leh rethei inthliarna kan nei lo tih sawiin, India rama hmeichhiate dinhmun chawikawnna kawngah Mizoram chu a ti \ha pawl a nih thu a sawi a, hmeichhia te tana Dan kan neih The Mizoram Marriage, Divorce & Inheritance Act chu Dan \ha tak a nih thu a sawi bawk.

MHIP Day hmanna hun, MHIP Serchip Town Area Committee President, Sanghming-liani kaihhruai a neih ah hian Khual Zahawm, Serchhip District Bawrhsap, Sangchhin Chinzah chuan Mizo Hmeichhia te chu an lo changkang ta hle tih sawiin, Pathian in mihring a siam danah Hmeichhia te chu Mipa te \anpuitu tur an nih thu leh mipa rorelna hnuaia chhungkaw enkawltu an nih thu a sawi a. Kan khawtlanga sualna tam tak chu Inchhungkhur ah Nu ten an tihtur an tih loh vanga thleng a nih thu sawiin, an mawhphurhna hmasa ber, Chhungkua chu thildang vanga hlamchhiah lo turin a chah bawk.

MHIP Gen Hqrs. President, Saipuii pawhin MHIP Day Nu nia he hun hi hmanpuiin MHIP in kum 43 lai a lo tling ta chu lawmawm a tih thu a sawi a. MHIP in Kumpuan an neih ‘Hmeichhia te tihchak’ chu ngaih pawimawh a \ul thu sawiin, MHIP ten fahrah te enkawlna hmun chu ngai pawimawh fo turin MHIP member te chu a chah bawk a ni.

Nimin a MHIP Day hmanna ah hian kum kalta chhunga MHIP member boralta te sunna hun hman niin MHIP Serchhip Town Area Committee indin dan leh hma an lak dan te ngaihthlak a ni a, MHIP Sub-Hqrs. in harsatna an neih avanga hna thawk thei lova an awm tak avanga Town chhunga MHIP Branch hrang hrang aiawh kal-khawm ten an din anih thu he hunah hian tarlan a ni bawk.

Chawhnu lamah inkhawm nei zui lehin Sub-Hqrs. YMA Serchhip President, R. Sanghmingthanga chuan thu a sawi bakah ‘Hmei-chhia te humhimna’ tih thupui hmangin Advocate Lalfamkimi chuan kalkhawmte zirtirna a pe bawk a, tunhnaia HSLC Exam result chhuaka Mizoram puma pakhatna, Laldintluanga leh HSSLC Exam-a Mizoram puma 2-na, Samuel Malsawm-zuala te hnenah chawimawina an hlan bawk.