LE&IT Department Director hlui suspend a ni; Eptu ten sorkar thutlukna an duhkhawplo.

Labour, Employment & Industrial Training Department-a Director hlui, Rotluanga chu Kolkata-a Nalanda Institute of Advanced Studies (NIAS)-a BHM zir tura Mizo zirlai 32 tirhchhuah ten harsatna an tawh thubuai kal zelah Mizoram Sorkar chuan a suspend a. MNF leh ZNP |halaite chuan sorkar hmalakna an duihkhawploh thu an sawi thung.

Nalanda Institute of Advanced Studies (NIAS), Kolkata-a Bachelor of Hotel Management (BHM) Mizo zirlai 32 te tirhchhuah an nih lai khan Rotluanga, MCS hi LE&IT Director niin Mizoram Building and Other Construction Workers Welfare Board-ah Secretary a ni bawk a, Zirtawpni kaltaa DP&AR thupek tihchhuah a tarlan anih danin, tuna ICT Addl. Secretary nilai, Rotluanga hi CCS (CCA) Rules 1965 rule 10 of sub rule (1) tlawhchhanin Labour, Employment & Industrial Training Department Director anih laia a thil tih avanga suspend anih thu tarlan a ni a, Suspend anih chhung hian thuneitu sang zawk phalna la hmasa lo chuan Aizawl a chhuahsan khap a ni bawk. Chief Secretary, Lalmalsawma chuan, LE&IT leh Mizoram Youth Commission hotu \henkhatin Mizoram Building and Other Construction Workers Welfare Board pawisa an puk nia sawi chu sorkar-in a hriatpui loh thu a sawi a. Hemi chungchang hi TV leh chanchinbu a\anga an hriat bak, a hrana hriatna an nei lo tih sawiin, engtia tih zel tur nge tih pawh a sawi mai theih rih loh thu a sawi bawk.

Hetihlai hian MNF |halaite chuan Inrinni khan thuchhuah siamin, NIAS Kolkata-a BHM zir tura Mizo zirlai 32 te tirh chung-changa thil diklo awm te haichhuaka MOU Signed tu leh inremna siam anih laia LE&IT Director, Rotluanga MCS suspend chu Congress Sorkar in an thilsual tih thup bo nan leh an Minister, Lal-rinmawia Ralte leh MYC Chairman, T. Sangkunga MLA te hmaibal phihfai nana Zoram mipuite rilru hruaipen an tumna ni ah an ngai tih an sawi a. “MYC hian Mizoram pawn ah zirlai engemawzat an tirchhuak a, chung an tirhchhuah te chu Minister te, Parliamentary Secretary te emaw MLA te an vailiam tir \hin a. Chutiang taka Offi-cial-a an thlahliam zing ami chu NIAS Kolkata a BHM zirtur mi 32 te pawh an ni a. Harsatna leh buaina a awm loh chuan Mizoram sorkar leh MYC hian an thiltih ah an chhal vek a,buaina alo awm tak avang mai a Official te mawhpuh leh si hi thil dik a ni thei lo,” an ti a. Mizoram sorkar chu thil\ha leh \halo ah pawh mawh an la ngam tur a ni tih sawiin, heng buaina zawng zawng lo thlenna a mawhphurtu LE&IT Minister, Lalrin-mawia Ralte leh MYC Chairman, T.Sangkunga MLA te chu an bang ngei tur a ni, an ti bawk.

ZNP |halaite pawhin Inrinni khan thuchhuah siamin Mizoram Sorkar in Suspend Order tichhuak mah se a tih tur diktak la ti famkim lova an ngaihthu an sawi a. MYC Chairman, T. Sangkunga'n Congress Bhavan-a MYC-in mawhphurhna nei ve lo anga a insawi chu an ngaihthiam loh thu leh NIAS leh sorkar inremna-ah khan MYC chu mawhphurtu a ni ngei tih a langchiang niin an sawi a. Zirtawpni kaltaa Congress Bhavan-a Home Minister-in ‘NIAS kaihhnawih-ah sorkar in a tihtur a ti zel ang’ tia a sawi chungchang-ah, a thusawi hi kengkawh tlang turin an phut tih an sawi a, MYC Chairman chu mipui bumtu leh zirlai 32 te hmakhua tichhe vektu a ni chung pawha dawt hmanga inthiarfihlim tum ah an puh bawk a ni.

Tarlan tawh angin tawh angin, MZP leh MSU chuan NIAS a zirlaite tirh chungchanga mawhphurtute dan anga hrem an phut sawiin, MoU sign hun laia MBOCWWB Secretary leh MoU sign lo hriatpuitu MYC Superintendent-te chu dan anga hremna pek te, a pung awm loa MBOCWWB sum, loan-a lo puktu sorkar hnathawk – LE&IT Director; Director PA; ITI Principal leh MYC Secretary-te chu an sum puk rulhtir leh hremna pek te an phut a ni.