Niti Aayog-ah NLUP sawifiah

Mizoram Flagship Programme NLUP hnuaiah Sorkar kum kal mek chhungin Mizoram sorkarin central a\angin sum hmuh a la nei lo a, NLUP sum hman danah Mizoram sorkar chu Niti Aayog hmaa a insawifiah hnuin sum hmuh tura beisei cheng vbc. 317 chu hmuh thuai beisei a ni tih NLUP Implementing Board Vice Chairman, PL Thanga chuan a sawi.

Mizorama eptu party inzawmkhawm, United Democratic Front leh MNF President, Zoram-thanga ten nikum July thla-a NLUP sem dan chungchang enfiah tura Prime Minister hnena ngenna an thlen chung-changah Niti Aayog chuan thil awmdan sawifiah turin Mizoram Sorkar a hriattir a, NLUP Implementing Board Vice Chairman, PL. Thanga chuan Ningani kalta khan Niti Aayog hotute hmaah NLUP kalpui dan hi a sawifiah tih a sawi a, Sorkar kum kal meka NLUP tana sum hman tur cheng vbc. 317 chu pe chhuak turin Niti Aayog hian Finance Ministry ah lehkha pawimawh a thawn fel tawh niin a sawi bawk. (DDK)