YMA Sub-Hqrs. Serchhip Conference neih tur thlirlawk

YMA Sub-Hqrs. Serchhip chuan nimin (10th March, 2014) khan Sub-Hqrs. Coordination Committee (SCC) \hutkhawm neiin tun thlaa YMA Sub-Hqrs. Conference neih tura Agenda turte an thlifim.

Nimin a YMA Sub-Hqrs. office-a SCC \hutkhawm hi YMA Sub-Hqrs. President, Pu RL. Chhuanawma chuan kaihruaiin tun thla ni 25-27 chhunga East Lungdar-a YMA Sub-Hqrs. Conference vawi 4-na neih tura Agenda lut te an thlifim a, tun \uma YMA Sub-Hqrs. Conference neih turah hian Branch leh Group a\angin sorkar khawih Agenda 20 lutin heng zinga 10 chu khawmpui rorel-ah chhawpchhuah tur niin SEC ngaihtuah zui turin 4 an dah bawk a, YMA khawih ah Agenda 9 lutin heng zinga 4 chu khawmpui a chhawpchhuah tura tih niin 2 chu SEC ngaihtuah tura dah a ni bawk a, Agenda an chhawpchhuah tur zingah hian Serchhip District-a Monuments leh hmun hmingthang te humhalha cheibawl thar rawtna leh District chhung kawngpui hrang hrangte siam\hat rawtna bakah YMA leh Environment & Forest Department thawhhona ennawn rawtna te a tel a ni. Hei bakah hian tun \uma YMA Sub-Hqrs. Conference neih tura Programme duanlawk pawh thlirin inthlanna neih tura Nominate tur mi 16 thlan an ni bawk a, he Conference neih turah hian Pu FJ. Liantluanga, Project Director, DRDA Serchhip District chu Khuallian tura sawm nise an ti a, Pu Lalchungnunga, Ex-President, Central YMA chuan khawmpui thupui ‘Ram leh hnam humhalh’ tih chu a sawi dawn bawk a ni.