Sorkar hmalakna \henkhat mahni duh dan anga lo enpui kan ching lutuk ngaimawhawm tih thu sawi.

Minister of State for I&PR, Pu Lal Thanzara chuan sorkar hmalakna \henkhat mahni duh dan anga lo enpui kan ching lutuk chu ngai-mawhawm a tih thu a sawi.

   He thu hi Mizoram Information Service Association (MISA) Annual Conference nimin a Aizawl-a I&PR Conference Hall-a neih a hmanpuina ah sawiin Pu Lal Thanzara chuan Mizote hi thil engkim mai phek beih chi kan ni tih sawiin, hei hian \angkaina tak a neih rualin sorkar hmalakna \henkhat mahni duh dan anga lo enpui kan ching lutuk chu ngaimawh awm a tih thu a sawi a, sorkarin ruahmanna a siamte ngaichang \hin tura NGO te leh mipuite a chu ngenin, Sorkar thiltihte enfiah duh chanchinbumite tan sorkarin remchanna a siam zel tur thu a sawi bawk. Hei bakah hian Pu Lal Thanzara chuan Information & Public Relations Department chu department lian ni lo mah se, sorkar hmalakna kawng tinrengah a serh zinga a mei ang niin sorkar-a a lailum luahtu a ni, tih a sawi a, Sorkar hmalakna zawng zawng puangzartu an nih avangin Media te nen thawhhona \ha an neih a pawimawh hle a ni, tiin he Ni puala MISA in Sorkar leh media inkungkaihna chungchang zirhona tur Workshop an buatsaih chu lawmawm a tih thu a sawi a, an zirhona atangin thil enzui tur tam tak a awm a ni, a ti bawk.
    MISA Conference-ah hian chawhma lamah Workshop neiin rorelna \ha a awm theihna tura media te pawimawhna leh hemi kawnga sorkar leh media inkara inkungkaihna \ha a pawimawh zia zirho a ni a, Chanchinbumite nen thupui zirbing tura chhawpchhuah ‘Media leh Sokar inkungkaihna’ tih chu MJA President, Pu C. Lalrambuatsaiha chuan sawiin, ‘Media-ten tunlai khawvel thu theh darhna hman tangkai dan’ tih chu Pu Mangjangam Touthang Dy. Director (M&C) PIB chuan a sawi bawk. MISA khawmpui hian MIS tana Joint Secretary post 1 dah leh New Delhi-a I&PR Information Centre tihnun leh chu pawmin, District huamchhunga Media kaihhnawih sorkar hmalakna ah I&PR department District Office te kaltlang a thil tih ni rawh se an ti bawk.