Latest News

Serchhip thuthar thenkhat :

YMA in hmalak tum

@@ YMA Sub-Hqrs. Serchhip-a Office Bearers te chuan niminpiah tlai khan YMA Sub-Hqrs. Office-ah Meeting neiin tunhnaia Serchhip Town chhunga lirthei tlanchak vanga chetsualna thleng fo mai chu \ha an tih loh thu sawiin, mipui himna tura khauh taka lirthei tlanchak khuah-khirh leh khap turin Serchhip District SP ngenin District Transport Officer hnenah lirthei khalhtute ko-khawmin Traffic Rules leh lirthei khalh chungchang inzirtirna buat-saih tura ngen nise an ti a. Hei bakah hian tunlaia eirawngbawlna Gas harsatna leh mipui phunna chung-changah Mizofed, Serchhip Branch Manager chu kawm nise an ti bawk.

Vety Deptt. report
@@ Nikum 2013 January a\anga December thla tawp thleng khan Serchhip District AH& Vety Dispensary ah Ran 5960 enkawl a ni a, ran 165 hnenah Foot & Mouth Disease (FMD) Vaccine pek niin Swine Flu danna ran 944 hnenah pek an nih bakah Ui 260 hnenah Ui-a hri danna pek a ni bawk. District A&H Vety Dispensary ah hian ran damlo 182 zai a ni a, Vawk 214 kah rai a niin Bawng 166 kah rai a ni bawk. Nikum 2013 chhunga Sorkar Revenue a chhunluh zat chu Rs.1,61,020/- a ni.

Zeng hri danna pe
@@ Nimin a\ang khan Serchhip-ah naupang kum 5 hnuai-lam te hnenah Zeng hri danna pek beihpui thlak a ni a, he beihpui thlakna ah hian Veng hrang hrangah hri danna pekna hmun hi siam niin heng hmuna hri danna pelo te chu hri danna pek hna thawktu ten an In \heuh ah kalchilhin hri danna pek chhunzawm an ni ang.

Comments

Popular News (Last 30 Days)