MIFF-ah Mizo Film pahnih te chhuah tura thlan a ni

/
Khawvel-a Documentary, Short leh Animation Film Festival lar berte zing ami Mumbai International Fim Festival (MIFF) lo awm turah Mizo Film pahnih te chu chhuah tura thlan a ni.
Heng Film pahnih te hi ‘Chengrang Lanu’ (Lady Musket) leh ‘MNF: The Mizo Uprising’ te niin ‘Chengrang Lanu’ hi Malsawmkima Chhangte siam (Producer/Director) a ni a, Short Film Competition (National) Category-a thlan a ni. ‘MNF: The Mizo Uprising; hi Napoleon RZ Thanga siam (Producer/Director) a ni a, Films Division tana Produce niin, Prism (non-competitive) Documentary Film under 40 minutes category-a thlan a ni. ‘Chengrang Lanu’ hi 1st Mizo Short Film competition 2013 ah khan pahnihna niin Godrej Theatre-ah chhuah tum a ni a, kum 2010 khan Napoleon RZ Thanga documentary film ‘Malsawmi’ kha chhuah a lo ni tawh a ni. Mumbai International Film Festival (MIFF) ah hian khawvel hmun hrang hrang a\angin Film 793 a lut a, Competition (National) Short Film Category ah film 19 than a ni a, Documentary Film upto 40 mintues ah film 5, Documentary Film above 40 minutes ah film 10 International competition, animation ah film 10 bakah, long documentary film ah 14, short documentary film ah 6, short film ah 7 te thlan a ni. Prism (non competitive) National category-a Short Documentary film ah film 5 leh long documentary film ah 12 thlan a ni, Prism International Category-ah film 10 thlan a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »