Mizoram Democratic Alliance (MDA) hming pu in Assembly inthlanpui neih tur hmachhawn dawn.

MNF President Pu Zoramthanga chuan Party pathum thawkho ta MPC, MDF leh MNF party te chuan Mizoram Democratic Alliances (MDA) tih hming pu in inthlanpui an hmachhawn tur thu a sawi.

    Nimin khan Mizoram Democratic Alliance (MDA) te chuan Vanapa Hall-ah campaign kick off na hun an hmang a, he hunah hian MNF President, Pu Zoramthanga chuan MPC nena thawkho tura an inbiakna kawng ah harsatna tam tak an tawh thu sawiin, harsatna karah thawkho tur a thuthlung an han ziakfel ta hi a lawm thu a sawi a. Kum 1998-a inthlanpui Mizoram in a lo hmachhawn tawh ah MNF leh MPC te chu an lo thawhho tawh thu sawiin, kha inthlan-pui ah khan anni party pahnih thawk dun te khan an beisei aia tam in hlawhtlinna hmel an hmuh thu leh Seat 34 lai hlawh chhuakin, khang hun ang khan tun inthlanpui-a MPC,MDFleh MNF thawkho ta Mizoram Democratic Alliances te chuan sorkaran siamin hlawhtlinna ropui tak an chan ngei kan beisei tlat a ni tiin a sawi bawk. Hei bakah hian Pu Zorama chuan tun inthlanpui Mizoram in a hmachhawn tur ah hian Party \henkhat ZNP, BJP, Trinamool Congress te chu qualifying match ah an tla tawh a, final lut chu anni (MDA) leh Congress te hi an ni ta tih sawiin, mal din Congress party te hian \angrual pawl te an hneh theih an rin loh thu leh mipui te pawh hian an ring mai ni lovin an sorkar tur hi an thinlungah a chiang niin a sawi bawk.
    He hunah hian MPC President, Pu Lalhmangaiha pawhin thu sawiin Congress sorkar chu dan leh thupek kenkawhna ah an hlawhchham thu leh \halaite khawvel ti a sawi dur dur \hin ten \halaite hmakhua tak tak an ngaihtuah lo a, \halai beidawng hnathawh tur hre mi sing tam tak an awm nghek nghuk tih a sawi a, \halai beidawng mahni nunna hial la duh khawp a beidawng, nunna la ta tam tak tun hnai ah pawh Mizoram chhungah ngei hian a awm ta tih sawiin, \halai beidawngte hruaichhuak turin MDA te hian sorkarna an siam ngei a ngaih thu a sawi bawk. He hunah hian Assembly bial 12-a an Candidate turte puang nghalin chung te  :
40 - Palak MDF PP Thawla
31 - Lunglei 'E' MPC Lalrinzuala
29 - South Tuipui MNF ZH Ropuia
30 - Lunglei 'N' MNF Dr. K. Vanlallawma
 32 - Lunglei 'W' MNF Dr. R. Lalthangliana
33 - Lunglei 'S' MNF Dr. K. Pachhunga
34 - Thorang MNF Joseph Lalzawmliana
35 - West Tuipui MNF Pritiranjan Chakma
36 - Tuichawng MNF RM Chakma
37 - Lawngtlai 'W' MNF C. Ramhluna
39 - Saiha MNF Dr. K. Beichhua
38 - Lawngtlai 'E' MNF Vanupa Zathang