Latest News

Serchhip District Election Officer hovin MLA inthlanpui atana inbuatsaihna thliho a ni.

Mizoram Legislative Assembly inthlanpui neih tur atana inbuatsaihna thlirin nimin khan Serchhip District chhunga Head of Offices te chuan DEO, Pi Juhi Mukherjee hovin \hutkhawm an nei.
He \hutkhawm District Election Officer, Pi Juhi Mukherjee hova a Office Chamber-a neih ah hian thil pawimawh hrang hrang sawiho niin naktuk-a Expenditure Observer in Serchhip a rawn tlawh tur lo dawngsawng turin engkim peihfel a nih tawh thu tarlan a ni a, hei bakah hian inthlan duty a State pawn a\anga lo kal CRPF mi 360 vel thlenna tur leh an khawsak dan tur pawh sawiho niin an ei leh in tur te, Electric power supply siam sak dan tur te, tui thianghlim leh an nitin mamawh hrang hrang te leh thil pawimawh dang chi hrang hrang ngaihtuah ho a ni a; Department hrang hrang te hnathawh tur mumal taka ruahman fel niin an chanvo \heuh te chak tak leh felfai taka hlen chhuak turin DEO chuan a ngen a, Inthlan hun leh Vote chhiar thlenga DC Office Complex cheibawl dan tur leh enkawl dan tur chi hrang hrang ngaihtuah ho niin ruahmanna mumal taka siam a ni a, Department hrang hrangte hnathawh tur ruahman fel a ni bawk.
    He hunah hian District Election Officer chuan Nov. 1, 2013 a\angin Chhingchhip khua a AH&Vety Department Dispensary-ah Tuikum Constituency tan Voters’ Facilitation Centre hawn anih tur thu a sawi a, Voters ten inthlan chungchanga an hriat tur te leh an hriatthiam loh te an zawhfiah theih bakah, Electoral Roll a an hming chuan leh chuan loh te an enfiah thei ang a, Electoral Roll a an hming leh EPIC a an hming inziah dan te a inmil lo emaw, EPIC tihbo/tichhiat palh vanga a duplicate siam tir ngai te tan dilna form he Voters’ Facilitation Centre a\ang hian a lakchhuah theih ang tih a sawi bawk a ni.

Comments

Popular News (Last 30 Days)