Tuikhuah Veng leitlahniam venna siam tumin hma la
Serchhip Tuikhuah Veng, BCM Serchhip Biak In thlang-a lei tlahniam thin chu kumin pawh hian a che leh niin a lang a, helai-a lei tlahniam thin venna tur hian DPR siam tum niin hemi atan hian Zirtawpni kalta, October 16, 2026 khan NLRMP Phase-I a Technical Advisory Committee Member te chuan helai hmun hi rawn enfiah nawn lehin Serchhip-a Asst. Commissioner (Revenue), Gaston Vanlalhriatpuia MCS hovin hnathawh dan tur hi a hmun ah en ho a ni a. Helai hmuna ram neitute bakah Serchhip Kawnpui VC aiawhte pawh telin ram neitute hian an ram-chhung ah hian hnathawh an phal thu an sawi a, hemi ang hian DPR siam hna thawh a ni dawn a ni.
NLRMP Phase-I a Technical Advisory Committee Member te chuan helai hmuna hna-thawhna tur hian cheng vbc. 18 vel ruahman a nih tawh thu leh anni chu DPR siamtu tur an ni tih sawiin, a tak taka hnathawh hunah khawtlang hruaitute pawhin an lo enpui a tul dawn thu an sawi a ni.