Synod Resource Centre tlawh

Mizoram Youth Commission (MYC) Chairman Malsawmzuala Ralte chuan nimin khan Synod Conference Centre-a Synod Resource Centre a tlawh a, helai hmuna thawktute leh Synod hotuten lo dawngsawngin UPSC exam tur zirlaite nen an inkawm a. Mizo thalai te UPSC exam-a an tlin theihna turin kan zavaiin theihtawp kan chhuah mek tih sawiin, kaihhruaina tha, Coaching Class, Zirlaibu, Lehkha zirna hmun leh tul dang zawng zawng te chu exam beih tumte hnenah chhawp a ni tih sawiin, hlawhtling turin thawhrimna a pawimawh ber tih a sawi a. Hnam-dangte nena khaikhin pawhin Mizo thalai ten theihna kan nei sang tih kawng hrang hrang atangin kan hmu tih sawiin kum 12 zet IAS kan nei tawh lo chu chhu chat ngei tura theihna zawng zawnga bei turin zirlaite chu a sawm bawk a ni.