Rampum Huap Kohhran Pavalai Pawl In-tawhkhawmna Serchhip-a neih chu Pathianni zan khan tiakin nimin atang khan Intawhkhawmna neihna hnuhma senghawi hna leh Pandal thiah hna chu thawh tan a ni a, Palai te pawhin nimin khan mahni khaw lam an pan hlawm a, kum 2028-a Intawhkhawm chu Kawrtethawveng-ah neih leh tura ruahman a ni. Synod Revival Department enkawlna-a awm Kohhran Pavalai Pawl hian 'Krista tana nun' tih chu thupui berah hmangin, midangte Krista hnena hruai te, Kohhran hmalakna tawiawm te leh Kristian chhungkaw tha din tura tan lak te chu an thiltum ber a ni a. Inchhiarna hnuhnung ber atanga a lan danin tunah hian KPP hi Kohhran 698-ah leh Bial 167-ah te din a ni tawh a ni.
