JJM hnuaia hmalakna thlirho

Mizoram-a chhungkaw tin tana tui thinghlim in tur a awm theih nan a sawrkar laipui scheme, Jal Jeevan Mission(JJM) hnuaia Mizoram-a hnathawh kal mekte leh JJM 2.0 hnuaia harsatna te sawihoin nimin khan State Water and Sanitation Mission Apex Committee chu Chief Secretary Khilli Ram Meena kaihhruaiin CS Conference Hall-ah an thukhawm a. Jal Jeevan Mission hi Mizoram-a kalpui a nih atangin a thawh khatna a Scheme 852 (cheng vbc. 1438.22) chu kum 2024 khan a taka thawh zawh vek tawh a ni a. Amaherawhchu kum 2024-2025 inkar khan Sawrkar laipui atanga sum engmah hmuh a nih loh avangin Financial Progress hi 100% a la ni thei lo a. JJM thawh hnihna (JJM 2.0) atan erawh October ni 13, 2026 khan sanction hmuh niin sum kal dan turah JJM 1.0 leh JJM 2.0 ah danglamna a awm a. Hemi chungchanga harsatna awm thei te nimin-a thutkhawm ah hian tarlan niin, Sawrkar laipui aiawhte chuan hma an lo lak tur thu an sawi a ni. Heng bakah hian ruahtui khawl tura hmalakna pakhat, Jal Shanchay Jal Bhangidari Scheme (Catch the Rain) chungchang te pawh an sawiho nghal bawk a ni.