DoNER Secretary in tlawh

Mizoram-a rawn zin mek DoNER Secretary Srinivas R. Katikithala chuan nimin khan Champhai-a Keilungliah Dam leh Zokhawthar te a tlawh a, Keilungliah Dam hi Champhai khawpui tui mamawh leh Thal laia kuthnathawktute tui mamawh phuhruk nan te, lenkhawthawnna leh khualzin hip nan te, Sanghate khawia eizawnna tihhmasawnna nan te, khawpui timawitu leh sik leh sa tinuamtu atante a ruahman a ni. Nimin-a helai hmun a tlawh hnu hian Zokhawthar-a Assam Rifles hmunah Assam Rifles hotute nen an inkawm a. Zokhawthar Land Custom Station pawh tlawhin, Station-a thawktuten an hnathawh dante an hrihfiah a ni.