Aizawl Traffic Police ten Dan zawm lo man tam

Lirthei chetsualna leh dan bawhchhiatna titlêm turin Aizawl Traffic Police-te chuan Pathianni kalta, Sept. 27, 2026 khan Aizawl khawpui chhung hmun 52-ah 'Special Drive' kalpuiin dan bawhchhia mi 364 an man a. Dan bawhchhia an man zingah hian Helmet khum lo mi 197, Driving License nei lo 69, kum tling lo lirthei khalh 16 leh Two Wheeler-a phal chin aia tam inphur mi 16 an tel a. Heng bakah hian lirthei ri bengchheng, rui chunga lirkhalh nia rinhlelh leh lirthei khalh laia meizial zu an man bawk a ni. Helmet dik lo khum, Bull bar vuah leh Rear-view mirror vuah lo engemaw zat man an ni bawk. Aizawl Traffic Police chuan kawngpui him leh thlamuang zawk kan neih theih nan dán zawm kawngah tan la thar turin mipuite an ngen a ni.