Serchhip Police te chuan tunhnaia Phone bo an chhuichhuah paruk (6) te chu nimin khan a neitute hnenah an hlanlet a, Serchhip Police Station-a Officer Incharge John Malsawmtluanga chuan CEIR Portal hman a nih hnuah phone bo chhuichhuah zung zung theih a nih tawh thu sawiin, heng phone bo te chhuichhuah a nih theih nana hmalatu ASI Vanlalbiakdika chungah lawmthu a sawi bawk. Serchhip Police te hian tun tum hi CEIR Portal hman a nih hnua Mobile Phone an chhuichhuah a neitute hnena an hlan tum 5-na a ni.
