MPSC Member thar atan K. Lalrinzuali lakluh a ni
MPSC Member lakluhna inkhawm Lok Bhavan Durbar Hall-a neih ah hian Chief Secretary Khilli Ram Meena chuan Larsap-in MPSC Member atana K. Lalrinzuali a ruatna a chhiar chhuak hmasa a. Hemi hnu hian Larsap chuan rinawmna thutiam chham tirin K. Lalrinzuali chu MPSC Member atan a lalut a ni. He hunah hian Chief Minister Lalduhoma, Assembly Speaker Lalbiakzama, Home Minister K. Sapdanga, PWD Minister Vanlalhlana, AH& Vety. Minister C. Lalsawivunga, EF&CC Minister Lalthansanga, Health & Family Welfare Minister Lalrinpuii, Opposition Leader Lalchhandama Ralte, P&E Minister F. Rodingliana, RD&A Minister Prof. Lalnilawma leh sawm bik mi pawimawh dangte an tel a ni.
MPSC Member thar K. Lalrinzuali July ni 11, 1966-ah piangin thiamna lamah MA Public Administration Gold Medalist a ni a. Kum 1992 khan Mizoram Civil Service (MCS) sawmin kum 2019-ah IAS-ah promote a ni a, AGMUT Cadre 2010 pek a ni a. Mizoram sawkara Commissioner & Secretary, Health & Family Welfare Department leh Power & Electricity Department hna a chelh laiin July ni 31, 2026 khan Superannuation pension-in a chhuak a ni. Mizoram Sawrkara post pawimawh tak tak a chelh zingah DC Lunglei; Director, School Education leh Higher & Technical Education; Secretary, District Council & Minority Affairs, Horticulture, Land Resources, Soil & Water Conservation, Disaster Management & Rehabilitation leh Tourism-te a tel a ni.