Vawiin June 15, 2026 hi Mizoram-a tlawmngai pawl lian ber, Young Mizo Association (YMA) dinchampha, YMA Day vawi 91-na a ni a, he ni hi Mizoram hmun hrang hrangah uar leh urhsun taka lawm a ni dawn a, he ni hi sawrkar Pisa chawl a puan a nih angin sawrkar Pisa leh zirna In te khar a ni ang. Central YMA chuan YMA Day pual hian Mizoram pawna Mizo Welfare 16, Silchar Branch YMA leh Shillong Group YMA leh Aizawl-a Damdawi In 6 ah Rs.15,000/- theuh an hlan a. BCC, Sakawrtuichhun-ah Buhfai Bag 100 leh TNT, Zuangtui leh OKM Home, Phunchawng-ah te Buhfai Bag 50 ve ve an hlan bawk.
Serchhip-a YMA Branch hrang hrangte chuan YMA Day hi anmahni Branch-ah theuh mahni remchan angin an hmang dawn a, Branch tam tak chuan Vantlang tana thil tha tihna ni atana hmangin tanpui ngaite tanpuina atan an hmang anga. Branch tam tak chuan Member pum huapa hun hmangin intihhlimna te an nei bawk ang. Sub-Hqrs. YMA Serchhip chuan Vawiin hian Serchhip-a damdawi In, Home, Centre leh Jail-ah te YMA Day pual thilpek an hlan dawn a ni.
