Lungsen Maxi Cab neitute nuar in ni thum an tlan tawh lo

Lunglei District-a awm, Lungsen leh Lunglei inkara Maxi Cab chuanman chungchangah VC leh Maxi Cab neitute thu a inhmuh loh avangin ni thum (3) chhung Maxi Cab a service tawh lo. Thudawn danin Lungsen leh Lunglei inkara Maxi Cab chuanman hi mi pakhat tan Rs. 300 niin mipuiin sang an tih avangin Lungsen-I Village Council chuan an huamchhunga Maxi Cab neitute chu tun thla ni 1 khan hemi chungchang sawiho tur hian an ko a. Maxi Cab neitute hi an kal loh avangin VC Sitting chuan Lungsen leh Lunglei inkar Maxi Cab chuanman chu mi pakhat tan Rs. 200 aia sang la lo turin hriattirna an tichhuak a. Maxi Cab neitute chuan chhan hrang hrang avangin Rs. 200 chu a tlawm lutuk nia hriain tlan rih loh mai relin kar kalta Ningani atang khan an tlan duh lo tan a, Inrinni thleng khan Maxi Cab te hi an ding ta a ni.