Little Library siamsak leh

The Beautiful Learning India, Mizoram te hmalakna in June ni 11 leh 12, 2026 khan Govt. Primary School 5- Lungdai PS-III, Nisapui PS, Maubawk PS-II, Model School,Nursery Veng leh PM Shree PS, Rabung-ah Little Library din a ni a, Heng School-ah te hian lehkhabu dahna Wooden Rack, naupang lehkhabu 400 leh an mamawh dangte pek an ni a. Tun tuma Little Library dinna tur hian Korean NGO React to Zero hnen atangin sum hi dawn a ni. Little Library dinna kawnga hmalatu The Beautiful Learning India, Mizoram hi May ni 24, 2024 khan Library Service a awm, hetiang lama tui mi intelkhawm in an din a ni a. TBLI hian Society Registration neiin Tlangnuam Vengthar, Aizawl, Mizoram-ah Office an nei a ni. Little Library-a Lehkhabu te hi zirtirtute lo enkawl chhunzawm turin leh naupangte’n a remchan dan anga an hawh chhuah leh chhiar tura ruahmanna siam a ni.