June 18-ah Mizoram Rajya Sabha MP thlanna neih a ni dawn
Election Commission of India chuan nimin khan ramchhunga State 10-a Rajya Sabha seat 24 luahtu tur thlanna atan June 18, 2026 khian Vote thlak a nih tur thu hi puangin heng State 10 zingah hian Mizoram chu a tel a, Rajya Sabha Member thlanna hi Mizoram State bakah Andhra Pradesh, Gujarat, Karnataka, Rajasthan, Madhya Pradesh, Jharkhand, Manipur, Meghalaya leh Arunachal Pradesh-ah te neih tur a ni ang. He inthlanna neih tur atan hian thla thar June 1 khian Inthlan hriattirna tihchhuah a ni anga, inthlan chuh tumte tan June 8, 2026 thlengin hming pekluh theih niin hming pekluh te chu June 9-ah endikin June 11, 2026 thlengin inhnuhdawhna hun hawn a ni anga, June 18, 2026 zing dar 9:00 atanga tlai dar 4:00 thleng Vote thlakna hun hawn a ni anga, hemi ni vek tlai dar 5:00-ah Vote tla te hi chhiar a ni ang.
Mizoram hian Rajya Sabha-ah Seat pakhat nei mekin tuna Rajya Sabha MP nilai K. Vanlalvena hun hi July 19, 2026-ah a tawp dawn a ni.
Comments
Post a Comment
I ngaihdan i sawi hian mipui ngaihdan i tarlang a ni!