Sawhthing lei dan tur sawiho

Zonuna Kawlni /

Serchhip District Agriculture Marketing Committee (DAMC) leh Ropuiliani Women Farmers' Producer Company (RWFPC) te chuan nimin khan Sawhthing lei leh hralh chungchanga thawhho dan tur an sawiho.
He sawihona Serchhip DC Meeting Hall-a neih hi Bawrhsap leh DAMC Chairman Paul L. Khuma chuan kaihruaiin RWFPC Chief Executive Officer Henry Saingura chuan Mizoram District 7-a Sawhthing lei turin hma an lak mek thu leh a bultanna atan Serchhip District chu an thlan thu a sawi a. Ropuiliani Company-in loneitute thlai thar - Sawhthing, Aieng leh Hmarcha an lei thin dan kalphungte sawiin, sawrkar flagship programme 'Bana Kaih' hnuaiah Sawhthing chak zawka lei a nih theih nana sawrkar hmalakna tichaktu ni tura an thawh mek thu a sawi bawk.

Serchhip District Secondary Collection Centre-a Supervisor-te nena thawhhona tha zawk neih dan tur leh harsatna awm thei hrang hrangte he hunah hian sawiho a ni a. RWFPC te hian SCC thenkhat, Sawhthing lei leh hralh kawnga harsatna awm theihna hmun - E. Lungdar, N. Mual-cheng, Lungpho, Chhingchhip leh Serchhip-ah te Sawhthing lei hna hi thawk tan turin ruahmanna siam a ni a. Record felfai tak siamin SCC Supervisors-te hnenah an thehlut thin dawn a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »