District Hospital Serchhip-a damlo enkawl MUHCS hmangtu zingah Golden Card nei an tam fal

Zonuna Kawlni /

Sawrkar kum liamta 2025-2026 chhung khan District Hospital Serchhip-a damlo enkawl zingah Mizoram Universal Health Care Scheme (MUHCS) hmangtu mi 1264 awmin an zinga za zela 84.57 te chu AB-PMJAY hnuaia Golden Card nei an ni.
 Serchhip-a Health Care Office atanga LENKAWL in thu a dawn danin damlo ten sum chawi lova inenkawlna an dawn theihna, MUHCS hnuaiah hian sawrkar kum liamta, April 1, 2025 atanga kumin March 31, 2026 chhung khan District Hospital Serchhip-a damlo enkawl zingah MUHCS 1.0 hmangtu mi 1264 an awm a, an zinga 1069 chu AB-PMJAY hnuaia Golden Card nei te niin MUHCS hnuaia hamthatna dawng zinga za zela 84.57 te chu Golden Card nei te an ni a, Golden Card nei te tan hian a hranin MUHCS ah hian inziahluh a ngai lo a ni.

Sawrkar kum liamta chhunga District Hospital Serchhip-a MUHCS hmangtu zingah hian MUHCS-a mahni-a inziaklut (Contributory) mi 109 awmin hei hi MUHCS hmangtu zawng zawng atanga chhutin za zela 8.62 an tling a, Sawrkar hnathawk zingah MUHCS hmangtu mi 71 awmin hei hi MUHCS hmangtu zawng zawng atanga chhutin 5.61 an ni bawk a, Pensioner zingah MUHCS hmang tangkai mi 15 awmin hei hi MUHCS hmang zawng zawng atanga chhutin za zela 1.18 an ni bawk a ni.

Sawrkar kum liamta chhung khan District Hospital Serchhip-a damlo enkawlte zingah MUHCS hmang tangkai an tam ber thla chu nikum August thla kha niin MUHCS hmangtu mi 132 an awm a. MUHCS hmangtu an tlem ber thla chu March 2026 kha niin mi 87 in an hmang bawk a ni.

Tunah hian MUHCS 2.0 atan inziah-luhna hun hawn leh mek niin nikum lam khan mi 700 vel inziaklut an awm thu leh kumin hian hei aia tam zawk hi inziaklut tura an beisei thu Office-a thawktute chuan an sawi a. Chutihrual chuan Serchhhip District-ah Golden Card nei an tam avangin mipui awm zat atanga chhut chuan inziaklut hi an tam lo thei tih an sawi bawk a. Hei bakah hian Pensioner te zingah sawrkar thu ngaichang an la awm avangin inziaklut hi an tlem rih tih an sawi bawk.

Health Care Office-a thawktute chuan Serchhip District-ah hian online-a inziahluhna kalpui a ni tih sawiin, District chhunga khaw hrang hrang zingah Online hmanga inziahluh theih lohna khua hi awm lo tura ngaih a nih thu an sawi a. Hei vang hian tun thleng hian Offline-a inziaklut hi an la awm loh thu an sawi a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »