Ramri thuamchak turin Mizoram sawrkar ngen

Zonuna Kawlni /

Serlui Bialtu MLA Lalrinsanga Ralte chuan Assam Assembly inthlanpui neih hma in Assam leh Mizoram ramri thuam chak turin sawrkar a ngen.

    Assembly Session neih mekah nimin khan Home Minister K. Sapdanga Department enkawl sum mamawh sawihona neih niin he hunah hian Serlui Bialtu MLA Lalrinsanga Ralte chuan State thenawm Assam Assembly inthlanpui awm mai turah Assam lam chuan an lo tih fo thin angin politics lama hlawkna tel tumin ramri chhehvelah hma an lak a rin thu a sawi a, hemi atan hian Mizoram chu lo inralrin a, invenlawk a tul thu House ah sawiin, kum 2021-a MNF sawrkar laia Mizoram leh Assam ramri a inkahna thlen hnuin Status quo-ah hmun engemaw zat dah a ni a, Mizoram lam chuan zawm tha mahse Assam lamin an zawm tha ve lo tih a sawi a. Ramri buai hunlai a kawng laih te, duty post panna kawng sial te chu State pahnih chuan an nei teuh a, Assam lam chuan an Duty Post siam te leh an BOP siamte changtlung takin an siam laiin Mizoram sawrkar erawh in hma a lak chak loh thu leh ramri ah buaina leh harsatna awm leh huna hmingchhe tur chu sawrkhar tho a nih thu a sawi a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »