Chhiatna thleng zir dawn

Zonuna Kawlni /

Mizoram-a khuarel chhiatna thleng, a bikin Leimin leh Lirnghingte chungchang zirchianna nei tura Mizoram-a cham mek Amrita Vishwa Vidyapeetam University (Amrita University) hotute chu nimin khan Disaster Management & Rehabilitation Department changtu Minister Prof. Lalnilawma chuan Chief Secretary Conference Hall-ah kawmin Mizoram-a an cham chhunga zirchianna an kalpui dan tur ruahmannate an thlirho a, Mizoram tan thawhpui tha tak an nih a beisei thu Minister chuan a lo hrilh a ni.

Amrita Vishwa Vidyapeetam University hotute hi Mizoram-a khuarel chhiatna, a bikin Lirnghing leh leiminte zirchianna nei a, inven dan leh chhiatna leh a nghawng tihziaam nana hmalak dan turte zirchiang turin March ni 9 atanga ni 16 inkar Mizoram-ah an cham anga. An cham chhung hian Aizawl khawchhunga lung tlak/lei tawlh duhna hmun (Rockfall Zones) te bakah District dang  Saitual, Khawzawl, Lawngtlai leh Mamit-a chhiatna thlen thinna hmunte an tlawhin zirchianna (Survey) an nei dawn a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »