Vantlang ram venhimna tur Bill siam thar pass a ni

Mizoram Legislative Assembly Budget Session-ah ‘The Mizoram (Prevention of Public Land Encroachment) Bill, 2026’ lungrual taka pass a ni.

He Bill puluttu Revenue Minister B. Lalchhanzova chuan The Mizoram (Prevention of Public Land Encroachment) Bill, 2026 chu The Mizoram (Prevention of Government Land Encroachment) Act, 2001 hlihna tur a ni tih sawiin, he Dan hi kum 25 chhung hman a nih tawh bakah a chak lo hle tih a sawi a, kum 2001 danin Government Land a tih chu a huapzo lo hle a, tuna dan thar a putluh The Mizoram (Prevention of Public Land Encroachment) Bill, 2026-in a tum ber chu khawtin leh veng tinah vantlang ram anga ngaih- Thlanmual, Field leh Dil pass awm si lo a awm a, chung ram venhimna zau zawk a awm theih nan sawrkar ram chauh Government Land tih chu Public Land tia thlak an duh avangin he Bill thar hi a pulut tih a sawi a ni.

Revenue Minister chuan he Bill tharah hian vantlang ram mi in an nek a, khawtlang tana hnawksak lehzual chi a awm a nih chuan Deputy Commissioner leh Assistant Commissioner te chu an thuneihna huamchhungah Bharatiya Nagarik Suraksha Sanhita 2023 dan hmangin an thuneihna hmang thei tura thuneihna pek a ni, a ti bawk.