Serchhip District-a Ui khuahkhirhna tihchhuah a ni

Zonuna Kawlni /

Serchhip District Magistrate chuan Serchhip District chhung khawlai a Ui chhuah zalen khapna thupek a tihchhuak thar leh.
 Hemi chungchanga niminpiah a thupek a tihchhuah ah Serchhip District Magistrate Paul L. Khuma chuan India ramchhung leh Mizoram chhungah faina leh hriselna lama hma kan sawn theihna turin sawrkar-in chak takin hmalakna a kalpui mek zel thu leh Serchhip District chhungah pawh mipuiten faina leh hriselna lama hma kan lo sawn zel theihnan theihtawpa hmalakna kalpui a ni bawk tih a tarlang a. Hetihlai hian Ui khuahkhirh lova khawlaia chhuah tir thin chuan khawtlang faina, himna leh hriselna a nghawng theih bakah khawtlang hmasawnna leh changkanna daltu a ni thei tih tarlangin, hei vang hian Section 163 of Bharatiya Nagarik Suraksha Sanhita, 2023 tlawhchhanin Ui khuahkhirhna thupek hi tihchhuah a nih thu a tarlang a ni.

Ui khuahkhirhna thupek tihchhuah ah hian mi tumahin midangte tana harsatna siam zawng leh midangte tana hnawksakin Ui an vulh tur a ni lo tih te; Ui vulh tuten khawlai ah an Ui te an chhuah zalen tur a ni lova, khawlaia an chhuahpui dawnin hrui/chain rinawm tha taka hlingin an kai ngei tur a ni tih te; Ui vulhtuten an Ui vulh te tha takin an khuahkhirh tur a nih thu te; Ui khawlaia tla leh a nghawnga hrui/chain-a thlunna awm lo te chu neitu awm lo anga ngaih a nih tur thu leh Ui vulhtuten an Ui vulhte zun leh ek khawlaiah an hnutchhiah tur a ni lo tih te tarlan a ni a. He thupek zawm lo chu Section 223 of Bharatiya Nyaya Sanhita, 2023 dan hmanga hrem theih niin he thupek hi thla hnih (2) chhung huam tur a nih thu te tarlan a ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »