Kuthnathawktute tharchhuah a pung nasa niin sawi

ZPM Party chuan Lalduhoma kaihhruai sawrkar-ah kuthnathawk te tharchhuah a pung nasa hle niin an sawi.

    Nimin a thuchhuah an siamah ZPM Party chuan Mizoram Sawrkar Lalduhoma kaihhruai chuan mipuite hnena a intiamna hlenin Sawhthing rate chhiat ber kumah Sawhthing chingtute chu kg-ah Rs. 50-in a leisak thu leh hemi avang hian Sawhthing chingtu ten cheng nuai 13,500 an tel thei tih an sawi a. Hei bakah hian sawrkar chuan a tih tur tak tiin dan leh thupek a kengkawh a, hemi avang hian Kuhva chinguten sum tam tak an lalut bawk nia sawiin, “Tun dinhmunah Hachhek Bial Kuhva chingtute chuan cheng nuai 5,000 chuang an lalut tawh a, an lakluh hi a la pun zel a rinawm,” an ti. ZPM thuchhuah chuan, “Heng hian a entir chu kan ramah hian Sawrkar tha leh chak, mipui tana ding sawrkar, dan leh thupek kengkawh Sawrkar mumal a lo piang ta tih hi a ni. ZPM kaihhruai Sawrkar hnuaiah Kuthnathawktute an hlim a, an phur a, an zalen a; a thawkrim apiangte an ding chhuak ta a ni,” an ti bawk.