STC Thenzawl te lawmna hun buatsaih

Bangalore-a ‘All India Inter-SAI Women (U-16) Hockey Championship 2025’ neih zawh taka Champion Mizoram Hockey State Training Centre, Thenzawl te lawmna hun chu nimin khan Aizawl-a Sports & Youth Services Conference Hall-ah neih a ni a, Mizoram atanga SAI Team kal te hi naupang 15 bakah an Coach Dipender Malik leh Manager Lalzawn-chhungi te an ni a. Mizoram Hockey State Training Centre, Thenzawl Hockey players atang hian thla thar November 4 atanga ASMITA Khelo India League khelh turah SAI Sakti Team-a khel tur mi pali thlan an ni a, heng te hi Laldinpuii (Durtlang); K.Vanlalpeki (Durtlang) Manglawmsang (Durtlang) leh Remnruatpuii (Koalsib) te an ni.

Mizoram Hockey State Training Centre, Thenzawl te lawmna hun niin-a neih hi SYS-a Deputy Director Jennifer Chongthu chuan kaihruaiin Superintendent H. Zothansanga chuan hun a hman bakah Hockey Mizoram Association-a Sr. Vice President Lalhmuchhuaka; SAI NERC Manipur a Regional Director Lianminthang leh Sports & Youth Services-a Joint Director C. Lalremsanga te chuan lawmpuina leh fuihna thu an sawi a, Youth Welfare Officer, Lalngilneia Colney chuan lawmthu a sawi bawk a ni.