END in ruihhlo man tam tawh

Kumin-a thla kaw chhung, January leh September inkar chhung khan Excise & Narcotics Department hnathawktute chuan Heroin kg 41 leh gram 432 leh methamphetamine kg. 229 leh gram 890 an man tawh. Excise & Narcotics Department thupuangtu Peter Zohmingthanga sawi danin Heroin leh Methamphetamine bakah hian Crystal meth kg 48 leh gram 061 zet an man bawk a. Crystal Meth hi a mum-a siam ni lovin a tlang a ni a, a man a to hle ni a sawi. Hei bakah hian Ganja kg 198 leh gram 853, Opium kg 1 leh gram 193 an man a, damdawi ruih theih dang chi hrang hrang - Khuh damdawi leh thalai te'n an hmansual chi dang dang tam tham tak an man bawk a ni.