NMNF hnuaia CRP te tan KVK in Training buatsaih

Serchhip District-a Krishi Vigyan Kendra (KVK) North Vanlaiphai chuan nimin khan Serchhip District chhung Cluster hrang hranga National Mission on Natural Farming (NMNF) hnuaia Community Resource Person (CRP) te tan Natural Farming chungchang training an buatsaih.
He Training KVK North Vanlaiphai Training Hall-a neih hi Serchhip atangin District Agriculture Officer (DAO) Lalchharliana, ADAO Lalrinzuala leh ATMA-a ATM K. Lalduhkima ten telpuiin Ser-chhip DAO chuan Natural Farming hmanga kan ram leilung sawngbawla, chemical hman uar loh a tulzia leh hmasang Loneih dan kalpui leh a siam thar leh a pawimawh zia sawiin, kalkhawm te a fuih bawk a ni.

He Training-ah hian Session I-ah Mary Lalfakzuali, SMS (Soil Science) chuan Natural Farming thil tum te leh leitha hrang hrang siam dan zirtirna a pe a, Session II-ah Prakash Thapa, Farm Manager in Natural Farming ken tel Beejam-rutha, Jivamrutha leh Panchagavya siam dan a takin zirtirna a pe bawk a ni. NMNF hnuaia CRP ruatchhuah mi 20 atangin mi 13 te he hunah hian an tel a ni.