Khua 865 a awm mek

Zonuna Kawlni (LENKAWL) • September 8, 2025 • Comments • Mizoram

Mizoram-ah sawrkar hriatpui leh chhinchhiah khua 865 a awm mek. Directorate of Rural Development Department chhinchhiah danin Mizoram District hrang hrangah Rural Development (RD) Block 28 awm mekin heng RD Block-ah te hian khua 865 a awm a. Mizoram-a District 11 awm zinga 4: Aizawl, Lunglei, Lawngtlai leh Mamit District-ah RD Block 4 theuh awmin, Serchhip, Champhai, Kolasib, Saitual leh Siaha District-ah te RD Block 2 theuh a awm a, Hnahthial leh Khawzawl District-ah RD Block pakhat ve ve a awm thung. RD Block hrang hrang zingah Lawng-tlai District-a Chawngte RD Block-ah khaw 88 awmin a tam ber a. Aizawl District-a Thingsul-thliah RD Block-ah khua 10 awmin khaw awm tlemna ber a ni thung.