India Independece Day lawmna nimin-a neih ah Parade Contingent 17 ten Parade Commander Inspr. Malsawmtluanga (Serchhip DEF) leh 2nd Commander ASI Vanlalfinga te kaihhruaina in March Past an nei a. Parade Contindent te hi Un-Armed Contingent 6 leh School Contingent 11 bakah Band Party pakhat te an ni a. Un-Armed Contingent-ah hian NCC (Army Wing), Govt. Serchhip College chu pakhatna niin NCC (Air Wing), Govt. Serchhip College chu pahnihna an ni a, NCC Marian High School chu pathumna an ni bawk. School Contingent-ah Presbyterian English School (High School Section) chu pakhatna niin Presbyterian English School (Middle Section) chu pahnihna an ni a, Govt. Higher Secondary School, Serchhip chu pathumna an ni bawk.
