Lok Sabha MP nen inkawm

Mizoram Lok Sabha MP Richard Vanlal-hmangaiha chu Zirtawpni tlai khan Chief of the Defence Staff, General Anil Chauhan Office-ah lengin an inkawm a, Anil Chauhan chuan Defence Committee sang pahniha Richard-a a tel ve chu a lawmpui thu sawiin, National Defence tan thahnem ngai taka thawk turin a lo sawm bawk. Mizoram Lok Sabha MP chuan Mizoram Chief Minister ngaih pawimawh em em Territorial Army Company hnih lai din a nih theihna tura hma an lakna zawng zawngah lawmthu a sawi a. Mizoram chu Bangladesh leh Myanmar inkarcheha awm kan nih angin, State sawkar hmalak mekna, National Highway leh State Highway te Defence hnuaia Strategic Highway-a puan a nih theih dan tur an sawi dun bawk a ni.