Reducation Sale buatsaih

Mizoram-a Synod Bookroom chuan kum danga an lo tih tawh thin angin nimin atang khan an thil zawrh te a man pangngai aia man tlawm zawka zawrhna hun an buatsaih leh a, tunkar Inrinni thleng neih tur a ni ang.
Synod Bookroom ten a man pangngai aia tlawma an thil zawrh te an hralhchhuahna hun ‘Reduction Sale’ hi Mizoram puma Synod Bookroom Branch hrang hrang bakah Distribution pahnih leh Churachanpura Tuithaphai Branch Synod Bookroom-ah te neih a ni a, Synod Bookroom-a lehkhabu zawng zawng, Bible, Kristian Hlabu, Communion thil, Kohhran mamawh chi hrang hrang, Stationery Item zawng zawng leh School naupang mamawhte chu a man pangngai aia 5% - 80% a tlawmin hralhchhuah a ni a, mipui ten an hlut hle a ni.

Synod Bookroom, Serchhip Branch ah pawh Reduction Sale hi nimin atang khan kalpui a ni a, Presbyterian Serchhip Pastor Bial vawngtu Pastor K. Ramdinthara chuan tawngtaina hun hmanga he hun hu hlanin mipui a duh apiangte tana dawr theih tura hawn nghal a ni a, mipui ten an hlutin nikum nen-a khaikhinin kumin hian a ni khatna an an thil zawrh te an hralhchhuah tam zawk thu thawktute chuan an sawi a ni. Reduction Sale neih chhung hian zing dar 8:00 atanga tlai dar 5:00 thleng a duh apiang tana dawr theih turin hawn thin a ni ang.