Zirtirtu sawn tum dodal

Saitual District chhung Rulchawm khua High School Zirtirtu Rebeck K. Lalnunhlimi chu Sai-tual-a DPO (Samagra) Office-ah sawn turin tun thla ni 3 khan Order tihchhuah niin hemi hi duh lovin nimin khan Rulchawm khawtlang hruaitute chuan Headmaster in Release Order a pek chu an laksak a. Thudawn danin Rulchawm H/S-ah hian Mathematics Zirtirtu a hran nei lovin Headmaster in Mathematics a zirtir thin a, hemi nen hian Zirtirtu hi an indaihtawk chiah a. Hetianga mi pakhat lakchhuah a nih chuan Zirtirtu hi an indaih lo nghal dawn niin an sawi a. A aiawh tur emaw tal dah a nih loh chuan chhuahtir an tum lo nia thudawn a ni bawk.