YMA hmalakna hnuaiah ruihhlo man tam tawh

Kumin January ni 1 atanga tun thla (May) ni 16 thleng khan Central YMA-a Kumpuan Sub-Committee leh Central Anti-Drugs Squad (CADS) te chuan ruihhlo cheng nuai 317 chuang man an man tawh.

Central YMA hotute atanga thudawn danin kumin January ni 1 atanga tun thla ni 16 thlenga ruihhlo chi hrang hrang man hi Rs. 317,47,500 man nia chhut a ni a. Ruihhlo kaihhnawihah hian mi 797 an man tawh a, heng mihring an man zinga 68 chu Excise & Narcotics Department-ah an pe a, Home leh Centre-ah mi 70 an dahlut a, Police Department-ah mi 5 pein mi 265 te Counselling an pe tawh bawk a ni.

Central YMA hnuaia ruihhlo an man zingah hian Heroin (No. 4) chu tam berin hawng 649 zet an man tawh a, hei hi cheng nuai 194.07 hu a ni a, hei bakah hian Heroin (No. 4) bawk a tenawi a man, tictac bur 1401 telin hei hi Rs. 25,21,800/- hu a tel bawk a. Damdawi hmansual chidang AP, Trama leh a dangte mum 26,000 chuang, Ganja kg 72, Codein bur 2232, sap zu bur 69, Local zu um 364 leh beer can 54 a tel a ni.