Sawhthing lei sa hralh zo tep

Sawrkarin Sawhthing hralh leh lei kawnga hma la tura a din, Mizoram Agriculturral Marketing Board (MAMB) hotute chuan Sawhthing an lei sa chu an hralh zo tep tawh tih an sawi a, an hralhchhuahna rate erawh a tlawm rih hle tih an sawi.

MAMB hotuten an sawi danin, Sairang-a FCI Kudam Buffer Stock Point-a Sawhthing dahkhawm tam zawk chu hralhchhuah a ni tawh a, tunah hian quintal 2000 bawr vel a la awm a, District hrang hranga Secondary Collection Centre te pawhin an leikhawm sa chu an hralhchhuak zel a, tunah hian lei khawl sa khawlkhawm a tam tawh rih lo tih an sawi.

Sawrkarin Sawhthing hi loneitute hnen atangin a la lei zel a, June thla thleng lei tum niin Sawhthing hi sawrkarin a hralhchhuah lehna rate chu kg. ah Rs. 12 - 16 vel a ni a, MAMB hotute chuan tuna Sawhthing an hralhna chu a tlawm rih hle tih sawiin, Sawhthing leitu tam zawk chu hnam-dang Mizoram State thenawm a mi niin Mizoram chhunga mi te pawh an tel bawk a ni.