Lawmpuina hun hmanpui

Tlungvel Higher Secondary School chuan kumin-a Higher Secondary School Leaving Certificate (HSSLC) Exam-a an School atanga pass thar te lawmpuina hun chu Inrinni khan an hmang a, Bialtu MLA leh Minister PC. Vanlalruata chuan a hmanpui a ni.
Tlungvel HSS-a he hun hman ah hian Bialtu MLA PC. Vanlalruata chuan HSSLC Exam-a hlawhtlinna chang thar te lawmpui thu sawiin, an hma hunah kawng thui tak zawh tur an la neih thu leh chumi atana inbuatsaih tur chuan a chah a. Hlawhtling rih lo te pawh beidawng lo tura fuihin, zirlai naupang pass tharte lawmpuinan lehkhabu leh pawisafai thahnem tak a pe bawk.

Tlungvel HSS atang hian kumin a HSSLC Exam-ah khan zirlai 27 ten Exam beiin mi 25 an pass a, First Division-ah 12, Second Division-ah 7 leh Third Division-ah 6 an pass a ni. He School hi kum 2010 khan din niin tum 15 lai HSSLC Exam hi an hmachhawn tawh a, zzirlai 376 ten hlawh-tlinna changin Distinction-ah 16, First Division-ah 147, Second Division-ah 151 leh Third Division-ah 62 an pass a. Tum 8 chu zirlai Exam zawng zawng pass in kum 15 chhung hian zirlai exam te atangin za zela 95.18 in hlawhtlinna an chang a ni.