MPCC in sawrkarna siam beiseiin hma an la mek

Mizoram Pradesh Congress Committee (MPCC) President Lal Thanzara chuan kum 2028 emaw chumi hma in emaw sawrkarna siam beiseiin hma an la mek tih a sawi.

    Nimin-a Congress Bhavan-a Monday Devotion & Political Session an neih ah MPCC President chuan Politics-ah party ten rorelna thutthlenga an thut theihna tur atana an Campaign laia an inzawrhna kha thlantlin an nih hnuah rinawm takin an intiam angin an nung tur tihna angah a ngai tih a sawi a, “Congress chuan mipuite hnena intiamna a la tihkawhtling zel niin kan hria a, MNF unauten tih tur an sawi chu chhungkaw tin hnena nuai thum sem a ni. Mahse, an sawrkar chhungin nuai khat dawng pawh an awm a rinawm loh a ni, chumi in a entir chu rinawmna an tlachham hle tih a ni,” a ti a. “Kan sawrkar hrawn mek hian bana kaih policy a nei a, an intiamna chu thlaithar zuartute tihchangkana an thlaithar te leisak a ni. Thil harsa a awm lo, budget ah kan DAH an ti a ni. Mipuiin kan awiha kan thlangtling a, budget a dah niin an insawi a. Sawhthing chingtute pawh i mangang lo ang u, kan thlaithar leite min leisak turah ngai ang,” tiin “Kum 2028 emaw chumi hmain emaw sawrkarna siam beiseiin hma kan la mek,” a ti a ni.