Dan lova kuhva phurh khap

Serchhip District Magistrate Paul L. Khuma chuan March 26, 2025 khan thupek tichhuakin Serchhip District chhung khaw hrang hrangah dan lova kuhva phur lirthei an kal thin tih hriat a nih thu a tarlang a. Serchhip District chhunga dan phal loha kuhva phurh a lo rem theih nan Section 163 of BNSS, 2023-in thuneihna a pek angin Serchhip District chhung khawi hmunah mah dan ang ni lova kuhva lakluh leh phurh phal a ni lo tih a tarlang a, thupek zawm lo chu Section 223 BNS dan hmangin hrem theih an ni ang tih a tarlang bawk. He thupek hi chhuah a nih atanga thla hnih (2) chhung huam tura chhuah a ni.